Умерено до значително облачно и топло време не очекува денеска. Од УХМР најавуваат и слаб до умерен ветер од јужен правец. Попладне и во текот на ноќта претежно во западните делови ќе има врнежи од дожд. Максималните температури ќе бидат во интервал од 23 до 31 степен.
Во Скопје и околината ќе биде умерено до значително облачно со слаб до умерен ветер од јужен правец. Максималната температура ќе достигне до 28 степени.
Утре ќе се задржи натпросечно топло, но на повеќе места со зголемена облачност. Во вторник дневната температура ќе се намали за неколку степени и ќе има локални врнежи од дожд.
