Претседателот на Комисијата за заразни болести, Жарко Караџовски, ги критикува владините власти зошто не ги послушале нивните препораки да не се дозволуваат свадби во затворени простории во текот на летото и потенцира дека од свадбите настрадала цела држава.

За Алсат изјави дека пациент со мутацијата делта може да зарази уште седум други лица.

-Денеска имаме околку 1.200 регистрирани случаи. Состојбата епидемиолошки е несигурна, со тенденција за влошување, потенцира Караџовски.

Караџовски вели дека за да не се прогласуваат карантини и полициски час по четврти пат, граѓаните треба да се вакцинираат масовно, но што е можно во пократко време.

Според неделниот извештај на ИЈЗ, жариштата на инфекцијата и понатаму тлеат во регионите каде што бројот на вакцинирања бил помал, а превентивните мерки против Ковид не беа воопшто почитувани во текот на летото. Најлоша е состојбата во Тетово и Гостивар, но и во Кичево и Струга. Потоа следуваат Скопје и Куманово. Болниците во овие градови се полни и се активираат модуларните капацитети.