Пописот кој треба да се спроведе во 2021 година ќе биде по сосема нов метод во нашата практика. Тој ќе биде теренски, со комбинирано користење на податоците од регистри.
-Македонија не е сѐ уште подготвена, наместо со попис, сите релевантни податоци од државата да ги собира преку државните институции затоа што тие не се комплетно функционални, велат добро упатените во проблематиката. Исто така и за оние што се иселиле, а се македонски државјани не по потекло, имало апликација за самопопишување, а ќе се користат и искази на луѓе што имаат сознанија дека некој е отсутен од земјава.
ВМРО-ДПМНЕ бара тој прашалник да има дупликат од секој што ќе даде податоци. Но, како што изјави директорот на Државниот завод за статистика Апостол Симовски, тој тоа нема да го дозволи. Опозицијата бара консензус по ова прашање, но изјавата на Симовски влева лажна надеж дека пописот ќе биде регуларен без фалсификат и притисоци.
Македонија не може да има попис без политичка конотација, затоа треба да постои консензус меѓу сите политиќки субјекти. Тоа е така, бидејќи во Уставот на Македонија се вели дека процентот на немакедонски заедници е значаен затоа што од него произлегуваат нивните бенефити. Да не е така, нема зошто да се притиска Државниот завод за статистика. Затоа физички попис во државата тешко може да се спроведе бидејќи ќе се повтори 2011 година, кога претседателката на Државната пописна комисија, Весна Јаневска, си поднесе оставка. Во изјавата за медиумите, таа тогаш изјави дека се работи за недоразбирање, бидејќи Албанците и Турците настојувале да им се овозможи да се попишуваат со фотокопирани документи, да се попишат оние кои не се во државава повеќе од 12 месеци и да се мешаат во составувањето на попишувачките комисии.
