Владата на денешната 71. седница ја разгледа и усвои одлуката за формирање Дигитален форум за информатичко – комуникациски технологии.
Како што соопштија од владината-прес-служба, дел од задачите на форумот се да учествува со советодавни услуги за забрзување на дигиталната трансформација на Република Македонија, за промоција на дигитализација и нови бизнис модели во земјата, за начинот на промовирање на државата како следна дестинација за ИКТ инвестиции во Европа, како и за други прашања поврзани со дигиталната трансформација на земјата.
