Павле Трајанов, претседател на Демократскиот сојуз и коалициски партнер на владејачката СДСМ, во вечерашното гостување во емисијата „Што не е јасно“, на телевизија Алфа, вели дека парламентарно мнозинство на некој начин е климаво односно како што рече тој ако се задржи кохезијата во ДУИ тогаш владата е стабилна, но ако не, тогаш се отвора прашањето за пад на владата.
-Ако се задржи кохезијата внатре во ДУИ, Владата е стабилна, ако не се задржи тогаш ќе се отвори прашањето околу пад на влада и да се отвори простор на нови парламентарни избори, вели тој.
Во однос на криминалот и корупцијата, Трајанов призна дека криминалот ја јаде државата и сето тоа е неспорен факт. Две клучни прашања се битни во Македонија.
-Прво силна партизација и политизација, значи сме за целосна демонтажа на овој партиски систем во Македонија. И втора работа високата корупција и криминализација на државата, тоа е неспорно, криминалот полека ја јаде државата, изјави Трајанов.
