Два дена во Македонија топ тема е Рекетот од вртоглави 1,5 милиони евра кои Боки 13 го изнудил од бизнисменот Орце Камчев со помош на Зоки Кичеец и Катица Јанева.
Во второто видео кое денеска го објави италијанскиот весник „Ла Верита“ јасно се слуша како Јанева му потврдува на Камчев дека се ќе биде ОК и да не се секира, откако претходно тој не бил сигурен дали за дадениот Рекет ќе биде ослободен од случајот кој го отвори против него СЈО.
Вчера КУРИР објави каде ја прошета торбата од марката „Луј Витон“ која ја доби Боки 13 на подарок од Камчев заедно со парите, а во неа бил вграден и GPS систем за следење, а денеска анализиравме што прво си купил Боки со парите од Рекет.
Имено преку Инстаграмот на Боки јасно се гледа дека тој едвај чекал да замине на шопинг со полна торба пари, па во Милано започнал да се подновува со брендирани парчиња облека за чија цена не ни прашувал.
Една недела по изнудениот рекет тој се подновил со капут од марката„Александар Меквин“ и „Барбери“ и патики од марката „Баленсиага“ кој вредат цело богатство.
По неколку дена тој се пофали со нова чанта од марката „Диор“, повторно чевли овој пат од марката „Луј Витон“ и чанта од марката „Ботега Венета“.
Месец дена откако Боки земал 1,5 милиони евра од Камчев беше тема број 1 во медиумите во Македонија појавувајќи се во наметка која личеше дека е завиткан во алуминска фолија, тврдејќи дека сето тоа има своја позадина.
Парите од овој моден детаљ на „Луј Витон“ биле наменети за спречување на тероризмот во светот, а медиумите тогаш објавија и дека овој „скафандер“ чини околу шест илјади евра.
КОД неодамна објави фотографија од Катица Јанева од ова зимо каде беше облечена во бунда која наликува на моделите на „Фенди“ и „Том Форд“ очила за сонце, а нејзиниот изглед се сменил од самиот почеток кога беше критикувана за стилот на облекување, па се до денес, објавува КОД.
