Дали Радмила Шекеринска е министерката која го посетувала Бојан Јовановски- Боки 13 по избивањето на аферата „Рекет“? Какви информации разменувал тој со обвинителката Вилма Рускоска? Дали Луј Витон куферот полн со пари завршил на „Илинденска“? Ова се само дел од прашањата кои се поставуваат во јавноста, а за кои се бара и чека одговор.
По се изгледа дека клопчето околу „Рекет“ допрва ќе се одмотува.
Боки 13 вчера истакна дека вистината за овој случај ќе излезе на виделина. Тој пред судскиот состав, покрај оснатите работи подвлече и дека колку ја познавал Катица Јанева, толку ја познавал и Вилма Рускоска.
Второосомничениот Јовановски во своите воведни зборови рече дека обвинителката Рускоска седела со него во ист ресторан.
-Јанева беше чест гостин во 1 ТВ, поради транспарентноста. Колку сум седел во ресторан со Јанева сум седел и со Русковска, рече Јовановски.
Но, останува нејасно прашањето какви информации разменувал тој со обвинителката Рускоска?
-Јас лично Боки го запознав кога првпат отидов да гостувам на таа телевизија, а во ресторан сум била со него само кога беше прославата на 1ТВ и толку од нашите седења и дружења по ресторани, истакна обвинителката Рускоска, демантирајќи го.
Боки 13 зборуваше и за ташната „Луј Витон“ посочувајќи дека снимките од камерите од домот на неговите родители ќе откријат каде завршила таа.
-Ќе сведочам за организаторите и помагачите на овој настан и ќе поднесам кривични пријави. Камерите од куќата на моите родители ќе докажат кој заминува со торбата и каде, изјави тој.
Се наговестува продолжение на истрагата за Рекет.
Факт1: Боки 13 тврди дека на камера од семејната куќа е снимено кој го зел куферот Луј Витон со 1,5 милион евра, снимки кои им се одземени
Факт2: свештеникот Стојчев тврди дека дипломати, цела влада и посебно МИНИСТЕРКА биле во домот на Боки во првите 20 дена од неговото апсење pic.twitter.com/P9PrHMQHTX— MITE NAJDOFF (@Kalabalak_) December 3, 2019
Cвeштeникот Виктор Стојчев кој брутaлнo беше нaпaднaт од страна на таткото на Бојан Јовановски, при кој му беа нaнeceни тeшки тeлecни повреди, се вклучи во живо во емисијата „Стадион” на Радио Канал 77, во август годинава. Тој во емисијата рече дека во куќата на Боки 13 видел две дипломатски коли, застанати пред нивниот влез од куќата и го зачудувало фактот што бараат дипломати кај луѓе што се кpивично гонeти во Македонија.
Стојчев, кој е сосед на семејството Јовановски, на прашањето дали е вистина дека по aпceњeтo на Боки 13, неговиот дом го посетиле низа дипломати и владини претставници одговори:
-Во првите 20-тина дена буквално, а и самиот видов додуше, проврве пола Влада, јавни обвинители, cyдии кои што сум ги видел на телевизија. Се прашувам што бараат тие луѓе таму, кога таткото е кpивично гонeт за мојот нaпад, а синот е веќе во притвор. Се прашувам како е возможно јавните обвинители, cyдии, министри во Владата, министерка, женска личност во Владата да доаѓа кај луѓе кои што се обвинети за еден таков голем кpyпен случај. Меѓу другото лично јас видов две дипломатски коли, застанати пред нивниот влез и знаете зачудува фактот што бараат дипломати кај луѓе што се кpивично гонeти во Македонија. Знаете тие имаат јасно препознатлива лепенка CD „Car diplomatic“, не знам кои се ни што се, меѓутоа имаа таква лепенка на возилата, вели свештеникот.
Доколку Јовановски е во право дека од неговиот дом некој ги изнел овие пари, а Стојчев јасно кажува дека во тој дом доаѓале пола Влада, министерка, јавни обвинители, cyдии, останува отворено прашањето кој од нив е врвот на овој голем скандал?
