Македонскиот дипломатски синдикат изразува голема загриженост за здравствените состојби во државата и во Министерството за надворешни работи во поглед на пандемијата Ковид 19.
И покрај забележително големиот број отсуства како резултат на изолација на вработените поради контакти или заразеност со Ковид вирусот, МДС за жал во континуитет не е информиран од страна на раководството за здравствените состојби, како што не е информиран и за сите други теми што имаат импликации во социјалната, економската и работната сфера во нашата институција, што инаку е негова легална обврска.
Имајќи го превид наведеното, Македонскиот дипломатски синдикат во рамките на својата меѓународна соработка упати барање до Синдикатот на Министерството за надворешни работи на Република Србија за помош и организирање на имунизација, одн. вакцинирање против Ковид 19 за вработените во МНР.
