3,61 е просечната оценка постигната на двата екстерни испити за државна матура. Според челниците на Државниот испитен центар, ова е успех во споредба со 2019 година кога просечната оценка беше 3,48.
За предметот македонски јазик, просечната оценка достигна 3,93, а во 2019 таа била 3,69. Но, помалку знаење учениците овој пат покажале на тестот за албански јазик. Просекот сега е 3,59, додека пред две години тој бил 3,85. Намалување на оценката е забележано и во предметите англиски, француски и германски јазик, а подобра оценка била постигната по математика.
Како што велат од оваа институција, само двајца ученици не се појавиле на испит поради изолација од Ковид-19. Матурантите имаат право на жалба до среда со уплата од 1.500 денари. Инаку, државната матура ја полагаа околу 15.300 матуранти.
Поврзани вести
Сојузот на средношколци почнува кампања за собирање предлози за подобрување на државната матура
Објавени резултати за сместување студенти од втора и повисоки години во студентските домови за 2023/2024
