Пратеничката група на ВМРО-ДПМНЕ и коалицијата поднесе измени на закон за акцизи и предлог закон за изменување и дополнување на законот за ДДВ. Случајно или не има исто име како законот, а и по содржина е сличен со законот кои власта го предлага, истакна координаторот на пратеничката група на ВМРО-ДПМНЕ, Никола Мицевски на денешната Собраниска седница.

Мицевски посочи дека разликата во сето ова е што поднесувањето на законите од наша страна беше направено на 28.02.2022 односно 12 дена пред денешнава итна седница во која вие барате тука итно да се донесат овие решенија и да ги одложиме последиците од енормниот раст на енергенсите.

Тој додаде дека денес власта глуми загрижена дека ги спасува граѓаните а во суштина таа ги доведе до оваа ситуација.

– Доколку навистина Владата и министерството за финансии сакаа ова да се случи тогаш вие како владејачко мнозинство ќе прифатеа да не ги губиме 12 дена непотребно туку амандмански ќе реагиравте на постоечкото законско решение. Гужвите на бензинските, паниката меѓу луѓето, несигурноста кај граѓаните, неизвесноста на компаниите веќе ќе се решеше, заклучи Мицевски.