Власта продолжува со стратегијата која што е зацртана од самиот почеток. Денеска на дневен ред покрај многуте точки кои што ги имаме е и Буџетот на Република Македонија за 2019 година и ние повторно во исто време ја ставаме Комисијата за уставни прашања на кој што се текстот за предлог на амандманите од 33 до 36. Причината веќе еднаш е кажана пред македонската јавност и ќе ја повториме да не може во исто време македонската јавност да следи она што случува. Она што го направија во втора фаза еве денеска пред почетокот на третата фаза продолжува, потенцираше Никола Мицевски, координатор на пратеничката група на ВМРО-ДПМНЕ и Коалицијата, при заседавањето на седницата во Собрание на Република Македонија.

Мицевски образложи дека дополнително на денешнава седница има ставено 6 точки по скратена постапка. Сите од министерство за финансии. Она што во минатото ви беа полни устите и дискусиите дека Владата на ВМРО-ДПМНЕ најголем број од законите ги поминува по скратена постапка, стана пракса за оваа Влада.