Персоналот на Клинички центар од службите почна да добива формулари кои треба да ги пополни секој вработен.
Наизглед тоа е формулар за да се стават нови податоци, се разбира доколку има било каква промена.
Но, ако добро погледнете, на првата страна се бараат и податоци за етничка припадност и информација за вероисповест.
Лица од Клинички центар велат дека досега не биле сведоци на ваков случај од нив да се бара податок, односно да ја кажат етничката припадност и вероисповеста.
Тие коментираат: “Каква врска има ова, тука е потребен персонал кој е стручен, потоа дали има лиценца за работа, дали кадрите се доусовршуваат и слично“.
Важно е, додаваат, пациентите да добијат соодветна медицинска услуга и нега.
