Со новиот закон за комуникации, државните безбедносни служби ке можат без налог од судија, со следење да влезат во приватноста на секое лице. Право за тоа ке имаат доколку лицето е осомничено за тероризам или други тешки кривичи дела. Со тоа е оставен простор за крупни манипулации и злоупотреби на системот, како што се 36те луѓе осомничени за терористичко загрозување на уставниот поредок поврзано со настаните од 27-ми април и сето тоа заради политички реваншизам. На оваа тема говореше аналитичарот и поранешен директор на Дирекцијата за безбедност на класифицирани информации, Александар Нацев. Тој во емисијата „Несомнено“ на телевизија Алфа потенцираше дека најавуваните реформи од новата власт всушнот и не се реални и според барањата на Прибе.
-Изборот беше направен, законите беа донесени и потоа оправдувањето зошто сето тоа е направено дека тоа е според препораките на ПРИБЕ. Сите оние што го оправдуваат начинот на избор на моделот и тврдат дека е според ПРИБЕ а всушност не е. И првиот и вториот извештај на Прибе јасно наведуваат дека од УбК треба да остане посредничката финкција. И дека не треба да има пристап до истрагите на другите овластени органи, меѓутоа тоа пак останува исто. Само што сега тоа ќе го прави ОТА. ОТА ќе има пристап и нема да се обезбеди автономија на сите други овластени органи и следење на комуникација се ке оди преку ОТА. Вториот дел којшто не се совпаѓа со ПРИБЕ е дека кривичните и безбедносните истраги требаше да бидат поделени. Во постоечките закони повторно се е кај ОТА. Третата најголема а можеби и тоа е и првата која требаше да ја споменеме е дека препораките на ПРИБЕ јасно наведуваат дека опремата треба да биде кај телекомуникациските оператори што повторно не е случај. Сега целата опрема ке заврши пак во ОТА. Се отвара простор за дебата и сомнеж дека изборот на моделот има некои задни намери, истакна Нацев.