На телевизиската претседателска дебата на Сител телевизија за прашањето поврзано со тоа дали граѓаните сметаат дека изборите до сега биле фер и демократски, над половина од граѓаните имаат перцепција дека до сега изборите не биле фер и демократски.

Професорот Блерим Река истакна дека ние се уште не сме ги прифатиле забелешките и сме имплементирале ништо од извештаите на ОДИХР за изборите во 2016 година.

Тој вели дека ние се уште немаме потполно ажуриран избирачки список, и вели дека оставаме терен за полнење на кутии, бугарски возови и останато полнење.

Професорката Силјановска за ова прашање истакна дека како член на Венецијанската комисија се уште постои најголемата забелешка во контекст на избори во Република Македонија, дека не постои одвојување на државата од партијата, односно да не се користи статусот премиер, претседател, министер во кампањите. Таа вели тоа се не е отстрането и ќе ја добиеме истата забелешка.

Професорката вели дека нормално ќе биде перцепцијата на граѓаните со недоверба кога на референдумот е забележано најбрзото рекордно гласање во историјата на референдумите и таа забелешка ќе стои во сите релевантни извештаи.