Фрчат огласи за вработување во државната и јавната администрација. Речиси и да не помине ден кога Владата предводена од СДСМ има распишано оглас за вработување.

Иако во предизборниот период ветуваа намалување на државната администрација и стопирање на сите вработувања, веќе 8 месеци како се на власт и покрај сите препораки од ЕУ дека администрацијата ни е превработена, сепак вработувањата никако да запрат.

Во таканаречениот план за итни реформски приоритети насловен како 3-6-9, СДСМ вети дека администрацијата ќе биде професионална, отчетна и непартиска се со цел да биде ставена во функција на граѓаните.

Емисијата„Проверено“ на 24 Вести, излезе со детална анализа за масовната партизација во владините институции. Таму обвинуваат и за непотизам и јасно предочуваат кој, каде и како вработувал.

Драги Рашковски не е единствениот од СДСМ кој си ги вработува своите најблиски. Така на пример градоначалнилката на Битола, Наташа Петровска си го вработи својот брат кој бил единствен пријавен на конкурсот за наставник во едно од училиштата. Во ова не заостанува ни нејзиниот партиски колега градоначалникот на Берово, Ѕвонко Пекевски каде речиси по истиот пример си ја вработи својата сопруга.

Ист таков пример ни доаѓа и од Неготино каде градоначалникот Тони Делков и таму си ја вработи својата сопруга. Во сите овие случаи како единствени кандидати за овие работи места се јавуваат брачните другари на градоначалниците.

Ова е класичен судир на интереси и се коси со законот за судир на интереси кои овие градоначалници на еден дрзок начин ги прекршуваат. Но ова е само капка во морето што го прават партиските функционери на СДСМ. Секојдневно се објавуваат огласи за високи позиции во државата без најосновните критериуми за тоа како некој треба да влезе на работа.

Емисијата “Проверено“ отркива фрапантни докази за паризираноста на администрацијата. Од кабинетот на вицепремиерот Кочо Анѓушев дури тројца вработени се во управни или надзорни одбори. Значи малку им е платата што ја добиваат од Владата како редовно вработени, па сега како докажани професионалци дополнително се “наградени“ со уште плус дополнителни приходи. Поранешната новинарка Марина Узунов, а сегашна вработена кај Анѓушев е дополнително вдомена во управниот одбор на ТИРЗ.

Другата вработена која воедно и му е шеф на кабинет, Софче Јовановска е назначена за член на надзорниот одбор на “Македонска Банка за обнова и развојот“.

Дека има масовна партизација на институциите е доволно да се отвори сајтот на Бирото за јавни набавки каде ќе може да се види дека речиси секоја општина има распишано постапка за привремено вработување без некои конкретни услови или критериуми што треба да се исполнат.

Разликата од ова вработување со редовното е тоа што лицето кое е примено со овој ангажман, после три месеци се стекнува со статус на редовно вработен. Сведоци бевме дека во последниот период стотици и стотици луѓе под изговор дека им завршиле договорите, беа на некој начин отпуштени од своите работни места, додека на нивни луѓе беа носени партиски членови на СДСМ.

Тоа најмногу се почувствува во образовните институции каде им беа прекинати договорите на бремени жени, самохрани мајки или луѓе на кои тоа им било единствениот приход. Сепак животот што го најави СДСМ дојде само за нивните членови.

Непотизмот е начин на владеење на СДСМ: Рашковски ја назначил мајката нa сопругата за член на комисија и Управен одбор

Драги Рашковски, Генералниот Секретар во Владата на СДСМ и најдобар пријател и сограѓанин на премиерот Зоран Заев, е симбол за невиден непотизам во државните институции.

Прво почна со именување на мајката на неговата сопруга во државните институции. Малку и било да биде дел од една и затоа таа беше назначена на две места. Едното е “Претседател на комисија во централниот регистар“, додека другото место е член на управен одбор на “ЈП за Берзанско работење Агро Берза“.

Но, тука Рашковски не запира. Неговиот близок другар, aдвокатот Дејан Костиќ и сведок на неговата свадба е избран да биде адвокат на неколку државни институции за сума од неколку десетици илјади денари.

Во емисијата „Проверено“ на 24 Вести, се зборуваше за сите прекршувања на закон од страна на Рашковски. Се открива и кој од своите блиски, на какви позиции ги поставувал.

За скандалот да биде поголем, неговата адвокатска фирма беше формирана само неколку дена пред да ги добие овие огромни ангажмани. Откако сите реагираа на овој коруптивен договор, Владата го раскина договорот со адвокатската фирма на Костиќ, но тој сепак не остана со празни раце. Го вработија како адвокат на МЕПСО, каде на месечно ниво зема голема плата.

Иако тогаш ВМРО-ДПМНЕ обвини за непотизам и за коруптивно дејство, сепак одговорност од Рашковски не беше никогаш побарана.

Скандалите никако да запрат кога се работи за името на Рашковски. Нов момент беше кога тој се самопредложил да биде дел од Собранието на Македонски Телеком. Значи, покрај големата плата која ја зема како Генерален секретар, тој си најде во тој момент нов извор на приходи од дополнителни 500 евра, но и овој пат под притисок на јавноста тој мораше да го напушти и ова место.

Рашковски и покрај сите овие скандали не престана со неговото неморално работење. Тој за негов посебен советник ја има вработена сопругата на неговиот најдобар пријател Дејан Костиќ, Оливера Кипровска Костиќ. Taa e ангажирана за следење на проекти и искористување на ИПА фондови во кабинетот на Рашковски и платата која ја зема воопшто не е мала. Таа изнесува 38.000 денари и е на 32 место според големина на ниво на Влада.

Од емисијата „Проверено“, побарале став од Оливера, но таа им спуштила слушалка. Рашковски, пак, на новинарите кои го контактирале, прво им викал и се заканувал, а потоа пробал да се оправда со писмен одговор.

Симптоматично е дека речиси на сите огласи кои ги објавува Владата се на одредени работни места има пријавено само еден кандидат кој ги исполнува само тие услови кои се препишани во огласот. Ваквото назначување на Костиќ е класичен судир на интереси и се коси со истоимениот закон.

Со ова назначувањето на Костиќ од страна на Рашковски несогласување има и министерот за информатичко општество и администрација Дамјан Манчевски. Тој во емисијата „Проверено“ на 24 Вести рече дека ќе ги разгледа сите овие факти,  ќе побара одговорност и ќе ги превземе сите чекори да го реши тоа.

Сите овие информации, со докази и одговори, можете да ги погледнете во видеото во продолжение.

СДСМ во предизборната кампања вети непартиска, професионална и ефикасна јавна администрација. Она за што сме сведоци во овие 8 месеци е дека СДСМ ја преполни државната и јавната администрација со партиски кадри на сите нивоа.

Членови на нивните потесни семејства, пријатели и познаници се поставуваат на високи места без конкурс и без посебни критериуми. Единствениот критериум е да се членови на СДСМ или да се блиски со некој висок функционер на СДСМ.