На денешното рочиште за случајот „Општина Центар” обвинетиот Митко Пецев бараше од советот да ја напушти судницата, бидејќи неговата сопруга е многу болна и претрпела инсулински шок.
Тој достави уредна документација од лекар во која пишува дека неговата сопруга мора да прима инсулин два пати на ден и дека не смее сама да се боцка бидејќи последниот пат добила инсулински шок. Исто така, Пецев рече и дека неговата сопруга била болна од рак.
Судијата не дозволи обвинетиот да ја напушти судницата, па дојде до расправија помеѓу Пецев и обвинителот Гаврил Бубевски, кој дрско му се обрати и му рече:
„Што си барал во општината кога жена ти била болна”.
На судењето поради лични причини не дојде сведокот Никола Георгиевски, па на тоа реагираше одбраната и обвинетите кои бараа од Советот да се запази редот на сведоците.
-Кога обвинетите бараат да бидат ослободени од судење тоа не е дозволено, а денеска сме сведоци како сведок поради лични причини не доаѓа на закажано рочиште иако е уредно поканет, рече обвинетиот Александар Трајковски.
Обвинителот Фатиме Фетаи наместо да бара полициско приведување на сведокот кој уредно поканет не дојде на рочиштето, таа рипна од столчето и бараше од судијата приведување на Никола Груевски кој задоцни пет минути.
Прв сведочеше долгогодишниот претседател на СДСМ – ОО Центар, Јован Тагасовски, кој како долгогодишен функционер и активист на СДСМ не штедеше зборови за обвинетите.
Фатиме Фетаи му се развика на адвокатот Дангов кога тој интервенираше дека таа надвор од процедурата поставува вкрстени прашања, со зборовите: „Ќе пораснете ли веќе еднаш“. Малку подоцна, видно нервозна, излезе да испуши една цигара.
Јован Тагасовски имаше повеќе неточни и лажни сведочења како на пример дека се спречило поништиувањето на одлуките за ДУП-овите, што не е точно, советот на општина Центар ги донесе тие одлуки и ги објави во службеното гласило. Подоцна Уставниот суд на РМ ги поништи тие одлуки.