Во интервју дадено за „Република“, претседателот на ВМРО-ДПМНЕ, г. Христијан Мицкоски посочи дека најголем доказ за лошите политики на оваа власт се тоа што во соседството, во регионот платите растат, а само во Македонија се намалуваат.
Она што го вети Заев беше празно ветување, нема ништо од плата од 500 евра, а од друга страна источноевропските земји, меѓу кои и нашиот сосед Бугарија, работат на тоа како да си ги задржат во својата земја висококвалификуваните луѓе, појасни Мицкоски.
Мицкоски додаде дека просечните плати во земјите во регионот растат од 8 до 12% на годишно ниво, што е исклучително квалитетен податок. На пример, во Романија, општите лекари, како матичните кај нас, имаат 1.860-1.920 евра плата. Медицинските сестри земаат 650-700 евра просечна плата за да не ја напуштаат државата.
