Работната група за подготвување на предлог иницијативата за потребата од измени на Уставот одржа седница на која се дискутираше за Деловникот, методологијата и начинот на работа. Средбите ќе се интензивираат во наредниот период, информираа од Министерството за правда.

Предлагач на уставните измени е Владата која го задолжи Министерството за правда да формира работната група. Работната група ќе има за задача да ја подготви предлог иницијативата за потребата од измени на Уставот на Република Северна Македонија. По изготвувањето предлогот ќе биде доставен до Владата која ќе треба да ја поднесе иницијативата во Собрание. Предлогот ќе ги помине сите работни тела во рамките на Собранието.

На работната група не и е даден рок за подготвување на предлог иницијативата за потребата од измени на Уставот.

Работната група ќе продолжи со работа во четврток.