Оваа власт е школски пример за банана држава, ова е тоталитарен режим во кој имаме еден шериф, Зоран Заев со неговата свита кој дели и одзема правда и единствен спас се предвремени парламентарни избори заедно со локалните, а тоа ќе дојде преку Македонската пролет, изјави за „Што не е јасно“ на Алфа, претседателот на Патриотскиот институт на ВМРО-ДПМНЕ, Александар Пандов.
Пандов истакна дека Зоран Заев и СДСМ ја носат Македонија кон секаков пропаст, од национален, се до економски, здравствен, правосуден, образовен па се дури и одбранбен со скандалите кои ги приредија во НАТО со недобивањето на безбедносните сертификати.
Тој додаде дека иако СДСМ дојде на власт дека ќе донесат правда и мир, сепак за овие 4 години се изнагледавме разни криминали од владините функционери за кои никој досега не одговараше и истите се заштитени.
-Сите се заштитени како бели мечки додека Маричиќ е во правда, а Спасовски во МВР, а Заев е премиер, нема влакно да им фали на глава. Не очекувам разврска за Ден Дончев, за Рашковски, ниту за било кој функционер . Се работи за криминална и корумпирана банда која што гледа што повеќе да украде и нема никаква црвена линија, нагласи Пандов.
Тој потенцираше дека единствен спас е предвремени парламентарни избори заедно со локалните избори.
-Ќе се случи Македонска пролет која ќе ја принуди оваа банда на предвремени парламентарни избори. Секој што малку си ја сака својата татковина и посакува барем малку добро , нема да му даде поддршка на Заев, рече Пандов.