Моите предвидува беа дека ВМРО-ДПМНЕ ќе победи или во најголем дел од општините ќе има водство, дека ќе победи на советничките листи и тоа се случи. Поготово бев уверен во Скопје и поголемите градови како што е Битола, Штип, Охрид, Прилеп, вели Александар Пандов, претседател на Патриотскиот институт на ВМРО-ДПМНЕ во вечерашното гостување во емисијата „Само вистина“ на Канал 5, коментирајќи ги резултатите од првиот изборен круг за локалните избори.

Пандов посочи дека поради лошиот резултат на СДСМ во првиот круг на локалните избори каде што изгуби во голем број на поголеми општини како и скопските, фотелјата на Зоран Заев е на стаклени нозе.

-Основната поента е дека фотелјата на Зоран Заев е на стаклени нозе и дека поразот во Скопје и во најголем број на општини е дека е пораз на СДСМ и на Зоран Заев и дека тоа по дифолт го носи него во опозиција, нагласи Пандов.