Полицијата идентификуваше уште еден член на групата „Јавна соба“ каде се споделуваа експлицитни фотографии, но тој е на Малта. МВР очекува помош од тамошната полиција. Групата од вчера не постои, објави Фактор.
Досега се уапсени четири лица, две од Битола и по едно од Штип и Велес.
Министерот за внатрешни работи Оливер Спасовски вчера изјави дека се идентификувани и други членови и ќе има и нови апсења. Се појави „Јавна соба 2“, а според полицијата има и други слични групи на чие затворање се работи.
