Сообраќајот на државните патишта се одвива по претежно влажни коловози, а на повисоките места со мали остатоци од кашест снег на коловозот по интервенција од дежурните екипи на ЈП Македонијапат.
Намалена видливост поради магла има од с.Шипковица до П.Шапка 10 – 20 м.
Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.