Денес, на 18-тата седница на Советот на општина Чаир, на барање на советниците на ДУИ и на СДСМ, разрешена од функцијата е претседателката на Советот на општина Чаир, Џемиле Мемеди, пишува Газета Лајм.
„Почитувани жители на Чаир! Денес, на 18-тата седница на Советот на општина Чаир, на барање на советниците на ДУИ и на СДСМ, разрешена сум од позицијата Претседател на Советот на Општина Чаир. Имав чест да ви служам!“, напиша на својот Фејсбук профил досегашната претседателка, Џемиле Мемеди.
Таа беше од редовите на Движењето БЕСА, на претседателот Билал Касами.
Во комуникацијата со граѓаните, Мемеди рече дека била отпуштена затоа што не им се допаѓал нејзиниот начин на работа. Засега не е познато кој ќе биде новиот претседател на Советот на општина Чаир.
