Ивана Божиновска, девојката која на македонската јавност и’ стана позната во 2016 година, кога на тогашните протести на т.н. „Шарена Револуција“ јавно им порача на македонските полицајци „Да даде Господ Куманово пак да ви се деси“, на својот Фејсбук профил упати разочараност од СДСМ.

-Дали ми фали нешто, дали сум глупава и необразована што оваа власт, мојата матична партија не ми дозволи реализација на ниту еден проект? Не им барав работа, проект со придобивки за граѓаните: Еден проект за децата со посебни потреби, втор за ромите, во С. Врапчиште? Филип Темелковски не ме удостои на закажаното време, ден да го погледне? За што би барал еве Филип Темелковски глас од мене и моите најблиски? За што би барале други функционери: Дека трчав по институции и молев детето да добие моја здравствена заштита? За тоа што во Труд и социјала лакираа нокти и ми велеа дојди утре?…

Таа во друг свој статус вели дека партијата и негирала образование и способност.

-Не може некој лигле во партија, неиживеани, нереализирани да бутаат по цела фамилија и да ти негираат образование и способност. Од вас џеб терајте си швалерки и десет ако можете, ама не ги бутајте во институциите каде што ние сакам напредок а вие затоа што сте станале фактор да не подје*авате, пишува таа.