Шилегов изгледа избега од советничката на Град Скопје од редовите на ВМРО-ДПМНЕ, Светлана Колариќ која на минатата емисија многу остро му се спротивстави на Шилегов за мерките кои се ги превземаше и недостатокот на идеја и програма на оваа влада да се реши проблемот со загадувањето.
Колариќ вели дека за обвинување е градоначалникот Шилегов, владата, но и останатите градоначалници затоа што само 0.5 % се одовоени од Буџетот за 2020 година за животната средина.
-За обвинување е и Градот Скопје и градоначалникот Шилегов, како и сите останати градоначалници, ако земеме во предвид , а граѓаните знаат дека од Буџетот за 2020 година, кој што е 3.8 милијарди евра само 19 милиони евра, односно 0.5 проценти се издвоени за заштита на животната средина, вели таа.
Таа вечерва истакна и дека ако се земат во предвид статистиките од 2017 и 2018 година, кога беше направен План за чист воздух со некоја смешна сума од милион ипол, до два милиони евра за проблемот со загадувањето, смешно е што оваа влада одвои милион ипол евра за лубриканти кои се потрошија за непознати намени.