Собранието на Република Македонија со 101 глас „за“, без воздржани и против ја избра новата техничка влада, која треба да ги организира предвремените парламентарни избори на 12-ти април согласно договорот на политичките партии. Премиер во техничката Влада е Оливер Спасовски.

На предлог на Спасовски, Собранието денеска ги именуваше замениците министри и дополнителните заменици на министрите во Владата.

Министер за внатрешни работи во техничката Влада е Наќе Чулев, а министер за труд и социјална политика Рашела Мизрахи, кои се предложени од ВМРО-ДПМНЕ. Опозициската партија предложи и дополнителни заменици министри во земјоделство, информатичко општество и администрација и во финансии. СДСМ предложи дополнителни заменици министри во министерствата за внатрешни работи и во труд и социјална политика. Замениците министри ќе бидат избрани на нова седница.

На именувањето на замениците и дополнителните заменици на министрите во Владата, му претходеше обраќање на  Спасовски во кое тој ја образложи предлог листата за заменици на министрите и за дополнителни заменици.

Врз основа на членот 94 од Уставот на Република Македонија, како и врз основа на членовите 42, 43, и 44 од Законот за Владата на Република Македонија, тој му предложи на Собранието на за заменици на министрите во Владата да ги именува:

Беким Максути, за заменик на министерката која раководи со Министерството за одбрана;

Агим Нухиу, за заменик на министерот кој раководи со Министерството за внатрешни работи;

Оливер Ристовски, за заменик на министерката која раководи со Министерството за правда;

Неџад Мехмедовиќ, за заменик на министерот кој раководи со Министерството за политички систем и односи меѓу заедниците;

Андреј Жерновски, за заменик на министерот кој раководи со Министерството за надворешни работи;

Ширет Елези, за заменичка на министерката која раководи со Министерството за финансии;

Кирил Колемишевски, за заменик на министерот кој раководи со Министерството за економија;

Благе Цветковиќ, за заменик на министерот кој раководи со Министерството за земјоделство, шумарство и водостопанство;

Арменд Арслани, за заменик на министерот кој раководи со Министерството за здравство;

Елизабета Наумовска, за заменичка на министерот кој раководи со Министерството за образование и наука;

Ѓонул Бајрактар, за заменик на министерката која раководи со Министерството за труд и социјална политика;

Дејан Павлевски, за заменик на министерот кој раководи со Министерството за локална самоуправа;

Владимир Лазовски, за заменик на министерот кој раководи со Министерството за култура;

Александар Бајдевски, за заменик на министерот кој раководи со Министерството за информатичко општество и администрација;

Садик Беќири, за заменик на министерот кој раководи со Министерството за транспорт и врски; и

Јани Макрадули, за заменик на министерот кој раководи со Министерството за животна средина и просторно планирање.

За дополнителни заменици на министри во соодветните министерства

Славјанка Петровска, за дополнителна заменичка на министерот кој раководи со Министерството за внатрешни работи;

Санела Шкријељ, за дополнителна заменичка на министерката која раководи со Министерството за труд и социјална политика;

Гордана Димитриеска Кочоска, за дополнителна заменичка на министерката која раководи со Министерството за финансии;

Цветан Трипуновски, за дополнителен заменик на министерот кој раководи со Министерството за земјоделство, шумарство и водостопанство; и

Невенка Стаменковска, за дополнителлна заменичка на министерот кој раководи со Министерството за информатичко општество и администрација.