Општина Гази Баба останува во бесперпективноста, ништо се не менува од денот кога локалната власт ја презема градоначалникот Борче Георгиевски. Измината 2018 година е година на изневерени очекувања на граѓаните, потврда за лажни предизборни ветувања на СДСМ, велат советниците на ВМРО-ДПМНЕ од Општина Гази Баба.

Тие велат дека буџетот за општина Гази Баба за 2019 година покажува дека и втората година од мандатот на градоначалникот ќе биде изгубено време за граѓаните од нашата општина.

Според советниците, буџетот не нуди развој и е неплански структуиран, во него не се предвидуваат капитални проекти кои Георгиевски ги ветуваше во предизборната кампања.

-Како советничка група на ВМРО-ДПМНЕ, поаѓајќи од интересите на граѓаните од урбаните и месните заедници доставивме идеи и предлози за проекти кои ќе бидат одговор на нивните реални потреби. Баравме планирање на средства за отпочнување на гасификација, справување со аерозагадувањето кое е огромно на територија на општина Гази Баба. Инсистиравме во буџетот за 2019 година да биде опфатено изградба на градинки во населба Керамидница, Стајковци, Сингелиќ, Инџиково и Трубарево како и изградба на неколку нови училишта кои се директни барања до нас од жителите. Советниците од ВМРО-ДПМНЕ и Коалицијата предложија изградба на катни гаражи, трговски центар во населба Маџари и базен во Хиподром кој треба да ги задоволи потребите на младите за спорт и рекреација, како и изградба на водоводни и канализациони системи во руралните населени места шго е меѓу основните потреби во секојдневното живеење. Паметиме како градоначалникот на град Скопје заедно со градоначалниците на општина Гази Баба и Аеродром на голема врата го најави новиот булевар со мост кој треба да ги поврзе двете општини. И овој проект нема да биде составен дел во буџетот, велат советниците на ВМРО-ДПМНЕ од Општина Гази Баба.

Секој неуспех и вината за неостварено ветување до сега Борче Георгиевски го префрлаше на советничкото мнозинство. Оттука советниците на ВМРО-ДПМНЕ го изгласаа предложениот буџет со вметнати наши предлози но и со забелешки за тоа што не се опфатени проектите во интерес на граѓаните за кои и самиот градоначалник дал ветување.

На тој начин Борче Георгиевски останува без алиби и целата одговорност треба да се бара во него, за безидејноста и лагите како одлика на неговото управување со општина Гази Баба, велат советниците.