Конечно во Македонија завладеа правото! Проработи “Слободата на совеста која е признаена насекаде“, вели адвокатот Јовица Страшевски во соопштението за медиуми испратено утринава.

Тој посочува дека во текот на вчерашниот ден добил информации дека поранешната судија-поротник Лидија Ивановска-Кочковска поднела неотповиклива оставка од позицијата судија – поротник поради истек на мандат.

-Во оставката го информирала Претседателот на Основниот Кривичен суд дека повеќе не сака да присуствува на било кое рочиште. Според информациите и покрај тоа што поранешната судија-поротник Лидија Ивановска Кочковска оставката и официјално ја доставила во архивата на Основниот кривичен суд Скопје, по налог на Претседателот на судот истата не била прифатена и била итно повикана кај него со цел да се изврши притисок да мора да присуствува на рочиштата кои се закажани особено за предметот ТНТ.Итно го повикувам Министерството за внатрешни работи и Јавното обвинителство да постапат по оваа информација и на целокупната македонска јавност и ја соопштат вистината околу случувањата во Основниот Кривичен суд поврзани со овој настан, вели адвокатот Страшевски.

Воедно, како што пишува тој, ја повикува Ивановска Кочковска да продолжи да работи по законите во Македонија, да го почитува и применува владеењето на правото, да не потпаѓа под никакви притисоци закани уцени,ветувања…