Заврши потрагата по Весна Николоска. Спасителската служба „Златоврв„ и сите кои се вклучија во потрагата денеска утрово ја пронајдоа 50 годишната Весна од Прилеп која пред три ноќи замина од својот дом во непознат правец. Денеска во потрагата, беживотното тело на Весна е пронајдено во водите на Вештачкото езеро во Прилеп.

Увид на самото место е извршен од страна на Јавениот обвинител и екипа од СВР Битола- ПС Прилеп.

Три дена и три ноќи прилепчани, во организирани потраги ја пребаруваат прилепската околина, најдевајќи се дека ќе ја пронајдат, при тоа пронаоѓајќи одредени показатели дека жената, тука, на одредено место, престојувала на кратко.

На социјалните мрежи се споделуваа информации, каде се наводно била видена, но  најчесто сите потраги завршуваа безуспешно. Семејството дури понуди и парични награда за пронајдување на нивната мајка. Но, се остана залудно!

Весна Николоска, имаше 50 години. Таа беше успешена жена  претприемач која водеше семеен слаткарски бизнис. Неа ќе ја паметат прилепчани како голем борец, одличен мајстор на својот занает, постојано во потрага по нови слаткарски изненадувања, во кои уживаа сите кои ја посетуваа познатата слаткарница „Дизниленд трејд“. Одговорен граѓани, посветена кон своето семејство и прекрасен човек, лик и пријател. Почивај во мир, прекрасна дамо !

Извор: РадиоПела