Коалицискиот партнер на владата на СДСМ, Павле Трајанов од Демократски сојуз во вечерашното гостување во емисијата Само вистина на Канал 5 телевизија вели дека владата на СДСМ е одговорна за високиот степен на криминал и корупција во институциите, односно како што рече тој младите немаат мотив да се вклучат во креирање на политиките бидејќи гледаат дека институциите се корумпирани, растурени и не функционираат, а одговорноста е во владејачката партија.

-Криминалот во оваа држава стана вредносна категорија а не зло со кое треба да се справиме. Инсистирам на тоа и го држам потпретседателот на владата Љупчо Николовски дека многу скоро мора да направиме нова стратегија против борба против криминалот, да донесеме нов закон, да направиме уставни промени, да профункционираат институциите. Вака само ние во јавноста ќе коментираме а тие што наумиле да прават криминал ќе одат без последици. И мислам младите луѓе сега не можеш да ги мотивираш сега да се активираат во политиката во институциите, затоа што гледаат дека државните институции се корумпирани, растурени, не функционираат. Одговорноста е на владејачката партија сега да направи пресврт против однесувањето со борба против корупцијата, вели Трајанов.