Дополнителниот заменик министер за земјоделство, шумарство и водоспопанство, Цветан Трипуновски, денеска повторно го повикал Екрем Јаји, бидејќи, како што вели, дошол до нови сознанија околу предметот и неговиот случај со обештетувањето од 2016 година.

Според Трипуновски, повеќе од очигледно е дека некои од клучните документи се затскриваат во случајот со Јаји.

Презентираше и 3 круцијални документи кои ја докажуваат правичноста на Јаји и чесна намера да си ги побара средствата кои ги заслужува од оштетите од 2016 година.

-Јас се зафатив за овој случај затоа што видов дека е согласно законите и процедурите и ќе го истерам до крај. И Екрем и сите оние земјоделци кои се на ваков начин, можеби и политички опструирани во реализацијата, ќе се заложам да си ја добие својата законска завршница затоа што навистина земјоделците во Македонија пред се треба да бидат почитувани и да ги добијат очекуваните средства, рече Трипуновски.

За потсетување, МЗШВ не му исплатила оштета за штетите кои настанале од поплавата врз насадот на Јаји во скопско Брњарци.  Три години тој чека исплата, на тоа што со Закон го следува.