Поранешниот директор на Управата за безбедност и контраразузнавање, Владимир Атанасовски доби нови 30 дена притвор. Кривичниот суд во петокот му го продолжи притворот на Атанасовски, кој е осомничен за кривичното дело „здружување заради непријателска дејност” во врска со настаните од 27 април во Собранието на РМ.
Атанасовски беше уапсен на почетокот од декември минатата година по сведочењето на браќата Стефан и Михаил Младеновски, кои давајќи ја својата одбрана, како обвинети за „27 април“, како еден од организаторите на упадот во Собранието го посочија Атанасовски.
Атанасовски на чело на УБК застана на крајот на 2016 година, кога од функцијата си замина дотогашниот директор Сашо Мијалков.
Поврзани вести
Регион
Продолжен за два месеци притворот на осомничените за нападот во северно Косово на 24 септември
Хроника
Предложен притвор за 81-годишен скопјанец за полови дејствија спрема дете
Хроника
