Плаче за боја… вака пишуваше пратеникот на СДСМ Мухамед Зекири, фотографирајќи се пред седиштето на ВМРО-ДПМНЕ.
Инаку, вчера вечерта беше нападнат и каменуван централниот штаб на ВМРО-ДПМНЕ.
Според партијата, нападот на ВМРО-ДПМНЕ е акт на насилство и вандализам, но и напад на сите оние кои ги штитат македонските национални интереси.
-Индициите за ова говорат дека одговорни за ваквиот напад е структури биски до власта, по принципот на Шарената револуција. На што го темелиме ваквото убедување? Веќе подолг период ВМРО-ДПМНЕ предупредува дека власта предводена од Зоран Заев има насилно сценарио спроведувано од свои инсталации и полициски структури чија цел е да го турне ВМРО-ДПМНЕ во насилство како би можело полесно да се делегитимира нашата борба против капитулацијата на Заев во договорот со името, велат од партијата.
Од ВМРО-ДПМНЕ оценуваат дека власта преку овие и слични провокации посакува нов 27-ми април каде Заев би се прикажал за жртва, а партијата би била оцрнета.