„Тоа што го говоревме не беше собирање на политички поени, ниту пак некаква предизборна шега туку Македонија и македонскиот народ со овие постапки и на нашите соседи, но и на внатрешната лоша политика на извршната власт гледаме дека полека исчезнува“, нагласи пратеничката Иванка Василевска од ВМРО-ДПМНЕ на комисиската седница.

Василевска додаде дека не треба македонскиот народ да дозволи власта да го направи истото што го направи со Преспанскиот договор.

„Зошто ве повикувам на ваков мирен и хуман протест. Ние мора да поставиме национална црвена линија врз основа на која ќе изградиме заеднички консензус околу тоа за што точно ќе преговараме со нашите соседи и со ЕУ“, истакна Василевска.

Василевска посочи дека Македонците не мора на никого да се докажуваат, Македонија е цивилизациско јадро врз основа на кое што се тргнати многу процеси, не само на Балканот туку и пошироко.