СДСМ тоне во криминал, а мафијашкото делување е единствениот принцип во партијата, стои во денешната реакција на ВМРО-ДПМНЕ во врска со изјавата на Костадин Костадинов.
-Нарачани политички изјави од лица обвинети за сериозни дела за Зоран Заев имаат поголемо значење , отколку сведоштвата на Стојан Андов кој директно го посочи Љубомир Фрчкоски како инволвиран во атентатот на Киро Глигоров. Зоран Заев, исто како и „Кацарска судството“ и „Рускоска обвинителството’ молчат околу новите наводи за атентатот врз Претседателот Киро Глигоров. Ниту атентат ги интересира, ниту обврската кон семејството на покојниот Претседател Киро Глигоров ги интересира, иако и најблиските и целата јавност имаат право да ја дознаат вистината околу хаосот и црнилата што и пред 24 години ги донесе СДСМ. Не ги интересира ниту сведочењето на поранешниот Претседател на Собранието Стојан Андов, ниту исказите на еминентниот новинар Љубомир Гајдов. За аболицираниот криминалец Зоран Заев, Стојан Андов е неколку нивоа под Александар Василевски викан Нинџа, стои во реакциајта.
Од партијата додаваат дека за Зоран Заев, СДСМ, „Кацарска судството“ и „Рускоска обвинителството“, Стојан Андов и неговото сведочење имаат помал кредибилитет отколку нарачаното сведочење на Василевски – Нинџа.
-Ете тоа е СДСМ денеска. Мафијашка партија со мафијашки вредности. Покрај нарачани обвиненија, нарачани пресуди и нарачани службени белешки, аболицираниот Заев сега си нарача и сведочења со кои што сака да спроведе план за компромитирање на ВМРО ДПМНЕ и финален удар врз партијата. Заев се лаже доколку мисли дека со притисоци, злоупотреби на институциите и удбашки конструкции ќе ја клекне на колена партијата, а преку ВМРО ДПМНЕ и Македонија и македонскиот народ, потенцираат од ВМРО-ДПМНЕ.
