За три месеци откако државата ја зголеми акцизата на горивата, во државниот буџет се слеале неверојатни 15 милиони евра пари на граѓаните.
Додека другите држави носеа мерки како да им го олеснат животот на граѓаните во време на пандемијата, Македонската влада го полнела буџетот.
Имено министерката Нина Ангеловска неодамна потврди дека само за еден месец успеале да соберат 5 милиони евра со покачувањето на акцизата на горивата за три денари, за три месеци тоа се неверојатни 15 милиони евра пари кои граѓаните не потребно ги дадоа за да ги наполнат своите резервоари со гориво.
Опозицијата тогаш излезе со сериозни обвинувања дека покачувањето на акцизата на горивата е погубна политика за која скапо ќе го чини обичниот граѓанин, за потоа истото да се потврди.
