Гоце Филиповски, татко на избореното момче во Марино,Филип Филиповски на социјалните мрежи вчеравечер напиша дека повторно е прободено момче со нож и дека повторно се работи за син на политички функционер од СДСМ.
Имено на 01.05.2019 година според записникот на полицијата пријавено е дека пред хотел во Стар Дојран дошло до физичка пресметка во која бил употребен нож и лицето З.М. се здобило со убодни рани на телото.
Лишени од слобода биле лицата Р.К. од Струмица и С.Р. исто така од Струмица. Еден од напаѓачите е синот на началникот за сообраќај при СВР Струмица Оливер Ристов, заедно со синот на началникот на СВР Струмица Танчо Пројковски, но и телохранителот на синот на премиерот.
Таткото на Филип Филиповски кој што пред два месеци напиша на социјалните мрежи дека неговото дете било избодено со нож во дискотека во Марино, од син на функционер на СДСМ, кој тогаш побара да не се заташкува случајот затоа што во него биле инволвирани синовите на поранешниот градоначалник на Петровец Ѕвонко Цветковски, сегашен висок функционер во МВР.
Тој вели дека не очекува синовите на поранешниот градоначалник Ѕвонко Цветковски да ја добијат заслужената казна, затоа што виновниците имале доволно пари за да си платат ослободителна пресуда.
Тој обвини дека исто како и во случајот со неговиот син и овој случај ќе биде заташкан иако е предаден на јавен обвинител и оружјето е обезбедено, поради тоа што станува збор за високи функционери на СДСМ и началници во СВР Струмица и истите ќе бидат ослободени од притвор, а судиите ќе судат по она колку пари ќе им бидат платени.
