Од полноќ до 11 часот наутро, околу 2.500 македонски државјани излегле од државата преку граничниот премин Табановце, соопштија денеска од МВР.
„Во периодот од 00:00 до 11:00 часот на 05.06.2021 на ГП Табановце влез оствариле 805 македонски државјани, а излез оствариле 2.449 македонски државјани. Во истиот период влез оствариле 2.468 странски државјани, а излез оствариле 794 странски државјани“, велат од министерството.
Дел од граѓаните кои излегуваат од државата заминуваат за ревакцинација во соседна Србија.
