Интензитетот на сообраќај на патните правци надвор од градските средини е зголемен. На граничниот премин Богородица времето на чекање за излез од државата е околу половина час.
Како што информира Автомото сојузот на Македонија, на останатите гранични премини, од македонска страна, нема подолги задржувања за влез и излез од државата.
Сообраќајот на државните патишта се одвива непречено, по претежно влажни коловози.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. (МИА)
Поврзани вести
ХАОС СРЕДЕ ПЛАДНЕ – доколку сте на овие два гранични премини во Македонија очекувајте да заглавите!
ХАОС НЕКОЛКУ КИЛОМЕТРИ ПРЕД „БОГОРОДИЦА“ – автомобил се преврти на кров, куфери на сите страни низ автопатот (ФОТО)
