Независниот кандидат за градоначалник од иницијатива „За Наше Куманово“ Максим Димитриевски, синоќа на изборната Конвенција од Градскиот плоштад во Куманово најави дека периодот 2021-2025 година ќе биде период на ренесанса и градба, за еден модерен и европски лик бидејќи тоа го заслужува Куманово и кумановци.
-Преземам обврска да продолжиме заедно со овој сериозен и квалитетен тим на кандидати за советници. Заедно со луѓето во општинската организација да работиме посветено за сите вас, во реализација на голем број инфраструктурни проекти. Периодот 2021-2025 година ќе биде период на ренесанса и градба за нашата општина за еден модерен и европски лик бидејќи тоа го заслужува Куманово и кумановци, рече Димитриевски.
Во своето обраќање, тој најави проекти за намалување на сообраќајниот метеж, предвидено е изградба на 5 нови кружни текови на клучни локации:
– На крстосница меѓу булевар Октомвриска Револуција и Булевар 3-та МУБ.
– На крстосница меѓу улиците Бајрам Шабани, Булевар 3-та МУБ и улица Гоце Делчев (Серава)
– На крстосница меѓу булевар Октомвриска Револуција , улица Доне Божинов (Макпетрол)
– На крстосница помеѓу булевар 3-та МУБ и улица Тоде Мендол (Градски Пазар)
– На крстосница помеѓу булевар Окомвриска Револуција и улица Видое Смилевски Бато (влез во село Проевце).
Еден од приоритетите на инцијативата „За Наше Куманово“ е вложувањето во унапредувањето на образованието и создавање услови за реализација на квалитетна настава. И во следниот мандат ќе продолжиме со инвестиции во реконструкција на општинските училишта и подобрување на условите за образование.
Димитриевски посочи дека силата е во младите и младите лица се авангардата на ова општество. Нашиот план е целосно реконструирање на Спортска сала, Комплексот Соколана, Градскиот стадион и Спортскиот комплексот во Поранешен Дом на АРМ.
Повозрасните граѓани мора да имаат подостоинствена старост. За таа цел, следува проширување на капацитети на Дом за стари лица “Зафир Сајто“ – Куманово на локација во с. Проевце и континуирано подобрување на условите во постоечките капацитети на Дом за стари лица „Зафир Сајто“.
„На 17ти октомври изберете број 80 за Максим Димитриевски за наше Куманово и број 61 за носителката на листа за советници Ивана Ѓорѓиевска за 61% на гласови и победа во првиот круг. Тоа не е победа за мене, тоа е победа за вас. За мое, за твое, за наше Куманово!“, рече Димитриевски.