Гостилница Чардак во Велес по 24 години постоење става клуч на врата. Тешко ги издржа мерките кои година ипол ги воведува македонската Влада. Поделбата на народот, велат, била клучна за оваа одлука.

Во продолжение следува нивното соопштение до јавноста:

Жалиме што мораме да Ве известиме дека на нашата 24-годишна приказна ѝ дојде крај….

Во изминатите 18 месеци издржавме и неколкумесечни затворања, работа со намален капацитет и со скратено работно време поради полициски час, забрана за работа во внатрешниот дел и уште многу други ограничувања на работата. Меѓутоа, оваа поделба на народот е мерка што совеста едноставно не ни дава да ја поддржиме!

Се надеваме дека во сите овие години сме Ви овозможиле вкусни оброци, добра забава и супер дружба, и Ви благодариме од срце на сите што сте не посетиле, макар и еднаш. Сите Вие бевте заслужни за нашето долгогодишно постоење!

Ви посакуваме да сте здрави и живи сите, во моментов тоа е најважно.