Неготинскиот панаѓур ќе се одржи од 21 до 23 септември, соопшти попладнево градоначалникот Горан Стојанов.
– По донесување на одлуката од страна на советниците во Советот на општината, како градоначалник и локална самоуправа, во соработка и координација со надлежните институции, веднаш ги започнуваме неопходните организациско-технички подготовки, со единствена цел, што е можно поподготвено да го дочекаме одржувањето на панаѓурот, соопшти Стојанов.
Сите заинтересирани за изложување на стоки и производи и потенцијалните посетители, дополнително ќе бидат информирани, согласно динамиката на активности, за организирање на панаѓурот.
– Најважно од се, традицијата продолжува и во ниеден случај нема да дозволиме да дојде до згаснување на оваа манифестација, што во нашиот град се одржува со децении, нагласи Стојанов.
