Градоначалникот на Општина Пехчево, Александар Китански, денес го посети првото новородено бебе во 2023 година во Пехчево, кое е момче и донесе среќа и бериќет во семејството Абдулови од село Црник, Пехчево.
Тој и претставници од локалната самоуправа, денес официјално и честитаа на мајката Шарбина Абдулова.
Среќната мајка ги прими честитките, а градоначалникот лично и ја додели наградата за првороденото дете во општината, пакет производи за бебиња и парична сума во висина од 6.000 денари, за секое првородено дете во општината и 5.000 денари за новородено дете.
„Сакам да ви го честитам новороденото бебе, и посакувам на малиот Ајас да биде здрав, жив, весел, радоста да го следи во текот на целиот живот, а успесите и достигнувањата да не го одминат – истакна градоначалникот Александар Китански.
Поврзани вести
Китански: И покрај опструкциите од централната власт, макотрпно работиме да ја подобриме општината
Доделени хигиенски пакети за семејства од Пехчевско по повод Неделата на имунизација
