Со симболично откинување на првото јаболко, во рамките на манифестацијата „Преспански јаболкобер“ денеска во Ресен почнува бербата на преспанското јаболко.
Симболично, првото јаболко ќе биде откинато во овоштарникот на „Свислион“ во Ресен.
На манифестација „Преспански јабоклобер“, која почна во саботата со фудбалски турнир на јуниорски групи, ќе бидат доделени и општинските награди за најдобри земјоделци.
Потоа следува презентација на земјоделска механизација и производи, а ќе биде промовирана и традиционална Преспанска храна и рачни изработки.
