Веќе пет дена неколку стотици жители немаат вода за пиење на влезот на населеното место Чанаклија.

Тие преку соопштение до јавноста се жалат за лошите услови во кои живеат во 21-от век.

-Замислете, Чанаклија во претходен мандат на локална самоуправа во општина Василево доби сопствен водовод. Водовод за пиење чиста и квалитетна вода во кој се инвестирани цели 26 милиони денари.  Денеска, очигледно поради слабото одржување и неспособност на одговорните – водата не доаѓа до корисниците. Граѓаните се принудени да се самоорганизират и да очекуваат помош – вода со цистерни, вели Наце Коцев советникот од општина Василево.

Тој вели и дека го прашале градоначалникот Марјан Јанев: Какви итни мерки се преземат за надминување на оваа состојба во Чанаклија? Поради што настана овој дефект, кога ќе биде отстранет и, конечно кој ќе сноси одговорност за ова катастрофа?