Револтирани граѓани, жители од центарот на Скопје, до редакцијата на МКД.мк испратија фотографии и видео од бездомник, кој, како што велат тие, веќе една година преспива по нивните гаражи и влезови, ги вознемирува, а никој ништo не презема.
Случајот неколку пати бил пријавен во полиција, но нивниот одговор бил дека тие не се надлежни. Жителите во зградите околу Соборниот храм велат дека последниот инцидент со овој, тие велат најверојатно бегалец, се случил вчера, кога биле нападнати неколку девојчиња.
По неуспешниот нивен апел до полицијата, тие решија за ова да ја алармираат и јавноста, по што сепак очекуваат некаква интервенција на кој и да е надлежен државен орган.
