Бекатон плочи за улици во Кисела Вода на површина од 2000 квадратни метри. Голема акција за поплочување на улиците со павер елементи тече низ општина Кисела Вода. Во моментот се поплочуваат улици низ урбaната заедница Пинтија на површина од околу 1500 квадратни метри, информира Орце Ѓорѓиевски, градоначалник на општина Кисела Вода.

-Се работи на четири улици на кракот 18 од улицата „Саса“.

Со градежни активности се опфатени и неколку улици во населбата и во селото Драчево, на површина од околу 500 квадратни метри.

Во изминатите две седмици со бекатон се поплочува кракот на улицата „Киро Фетак“, а до крајот на оваа недела ќе биде завршено поплочувањето и на кракот на улицата „Солунска Глава“.

Градежните активности за подобрување на естетиката, но и функционалноста на улиците не само во овие, туку и во другите месни и урбани заедници ќе продолжи со несмалена динамика и во наредниот период, затоа што Кисела Вода и граѓаните ги заслужуваат сите услови за нормално функционирање.