ЈП „Паркови и зеленило“ денеска засади нови квалитетни садници на булевар Илинден спроти градските бараки. Новиот дрворед е составен од квалитетни зимзелени и листопадни дрвја и дополнително ќе го зазеленат булеварот, информираат од Град Скопје.
Град Скопје е силно фокусиран на подобрување на заштитата на животната средина. Нови зелени површини и садење на дрвја е дел од реализацијата на концептот за зелен и чист град, преку уредување на нови паркови, нови зелени површини, сезонски акции за садење на нови квалитетни садници и нови дрвореди во Скопје.
