Корисниците на топланата Скопје Север и денеска се со студени радијатори, а продолжуваат и реакциите на граѓани од повеќе населби во Скопје дека греењето е редуцирано временски, а радијаторите млаки.

Од БЕГ вчера соопштија дека испорачуваат согласно прописите и минималната темпeратура во домовите на нивните корисници е 20 степени.

ЕСМ Енергетика, третиот снабдувач во Скопје со околу над 3.500 домаќинства, училишта и деловни објекти, соопшти дека испораката на топлинска енергија е континуирана и се врши согласно мрежните правила.

Засега нема најави за финансиска помош од Владата, Град Скопје или Општина Чаир за нормализирање на состојбата и набавка на гас за топланата Скопје Север.

Партиските препукувања за овој проблем продолжија и денес од опозциската ВМРО – ДПМНЕ со обвинувања до Владата дека бега од одговорност, наместо да го реши проблемот и кризата во енергетскиот систем.