Без разлика дали преферирате полежерен, елегантен или стил на висока мода, во овој моден колаж на американската манекенка Џиџи Хадид ќе најдете нешто што ќе ве инспирира.

Џиџи Хадид, една од најуспешните манекенки на денешницата, ќе учествува во втората сезона на ријалити програмата на Нетфликс „Next in Fashion“, интересен натпревар на дизајнери од целиот свет.

Меѓу оние кои ќе учествуваат во новата сезона има и славна личност која сериозно си ја сфатила задачата, па со денови е посветена на промоцијата на овој проект и оди од емисија во емисија за да ги покани фановите да ја гледаат.

По тој повод, Џиџи имала неколку многу возбудливи денови, а во последните два дена од февруари имала неколку појавувања, поради што папараците ја фотографирале во дури осум многу интересни модни изданија за само 48 часа.

Погледнете ги во продолжение осумте неодоливи стајлинзи на Џиџи Хадид и пронајдете инспирација за претстојните пролетни денови.